ilayaraja

విద్యార్థులు కలలు కనడం మానేయాలి! : ఇళయరాజా

ilayaraja

విద్యార్థులు కలలు కంటూ కూర్చోకుండా తాము ఎంచుకున్న రంగంపై దృష్టిసారించారని దిగ్గజ సంగీత దర్శకుడు ఇళయరాజా  సూచించారు. ఇటీవల చైన్నై ఐఐటీని సందర్శించి అక్కడి విద్యార్థుల మధ్య ఆయన ప్రసంగించారు. ప్రకృతిలో గాలి, నీరు వంటి పంచభూతాలు ఉన్నట్టే సంగీతం కూడా ఉందని తెలిపారు. తాను ఆ విషయాన్నే గమనించానని చెప్పారు. సంగీతాన్ని మనస్సుతో పలుకరించానని చెప్పారు. విద్యాసంస్థల యజమాన్యాలు కూడా సంగీతాన్ని ప్రోత్సాహించాలని సూచించారు. విద్యార్థులు సంగీతంపై మక్కువ పెంచుకొని ఈ రంగంలో రాణించాలన్నారు. సంగీతం నేర్చుకోవడం వల్ల మనస్సు ప్రశాంతతోపాటు ఈ రంగంలో రాణిస్తే చక్కటి భవిష్యత్ ఉంటుందని తెలిపారు.

ఈ సందర్భంగా పలువురు విద్యార్థులు ఇళయరాజాను కొన్ని ప్రశ్నలు అడుగగా సమాధానం ఇచ్చారు. ప్రస్తుతం బయోపిక్ ల ట్రెండ్ నడుస్తోందని మరీ మీ బయోపిక్ గురించి ఏమంటారు అని పలువురు విద్యార్థులు ఆయనను అడుగారు. దీనిపై ఆయన స్పందిస్తూ ప్రస్తుతం తాను తన స్వీయచరిత్రను రాస్తున్నానని చెప్పారు. త్వరలో ఆ పుస్తకాన్ని ప్రచురిస్తా అంటూ సమాధానం ఇచ్చారు. ఎవరైనా తన బయోపిక్ తీయాలంటే అభ్యంతరం లేదన్నారు. తన బయోపిక్ కేవలం మూడురోజుల్లో పూర్తవుతుందని చమత్కరించారు. ఈ బయోపిక్ లో తనను నటించమంటే నటించడానికి తనకేలాంటి అభ్యంతరం లేదని ఆయన విద్యార్థులకు జవాబిచ్చారు. ఇప్పటి వరకు ఇళయరాజా సంగీతాన్నే చూశాం.. ఇక ఆయన బయోపిక్ ద్వారా ఆయన నటనను కూడా చూసే అవకాశం ఆయన అభిమానులకు దక్కనుంది. సో ఆయన బయోపిక్ త్వరలోనే రావాలని ఆశిద్దాం..